PRÓXIMA MODIFICACIÓN DAS COMISIÓNS DE SERVIZO E DAS SUBSTITUCIÓNS

No día de onte a Dirección Xeral comunicounos que vai proceder a modificar as Ordes de comisións de servizo e substitucións co mesmo texto que facilitou hai unha semana, cando nos daba un prazo de tres días para alegacións. É dicir, deulle igual o que se lle contestou porque non modificou nada. A publicación no DOG é xa para este mércores día 16.

Por parte deste sindicato solicitaramos no prazo concedido que se convocara a Mesa Sectorial antes de proceder á modificación, porque cremos que é un tema de moita importancia e debe ser tratado alí. Xa que hai que mudar as Ordes para executar unha sentenza deberíase facer co maior consenso posible, porque despois veñen os problemas.
Noutros temas a Administración non se dá tanta présa para executar os mandados xudiciais.
Desde a CIG seguimos solicitando que se atenda a nosa petición e se convoque unha Mesa sectorial para abordar a problemática e darlle a mellor solución posible