PUBLICACIÓN DOS CADROS MÉDICOS DAS ENTIDADES PRIVADAS PARA O 2025

Publicáronse na páxina web da Mugeju os cadros médicos correspondentes as entidades ASISA, NUEVA MUTUA SANITARIA E SEGURCAIXA ADESLAS.

Como xa informamos anteriormente, hai a posibilidade dun primeiro cambio en xaneiro de 2025 e É MOI IMPORTANTE que as personas mutualistas adscritas actualmente a DKV, SANITAS ou MAPFRE soliciten o cambio de entidade médica en XANEIRO, posto que ditas entidades non prestarán asistencia sanitaria ás/os mutualistas a partir do 1 de febreiro de 2025.

En febreiro, excepcionalmente, poderá volver a solicitarse o cambio de entidade médica, podendo elexir entre:

• INSS (sistema público de saúde)
• ASISA
• NUEVA MUTUA SANITARIA
• ADESLAS

Lembramos que a solicitude realízase a través da sede electrónica da páxina da Mugeju seleccionando a opción Online e de seguido "Iniciar trámite". No apartado "Tipo de cambio de entidad médica" escóllese "Cambio ordinario de entidad médica (enero)", a continuación elixides a opción que consideredes máis oportuna e finalmente aceptades "Declaro que los datos consignados son ciertos". Ao rematar a solicitude xérase un xustificante.

Unha vez realizada a solicitude en febreiro esta xa non pode ser modificada, polo que cando se realicen debe terse en conta isto e estar completamente seguro/a da entidade médica que se quere escoller.

A CIG reafirma a súa aposta pola sanidade pública. As entidades privadas operan baixo a lóxica empresarial, procurando maximizar os seus beneficios única e exclusivamente, mentras que a sanidade pública o único obxectivo que ten é o acceso universal e equitativo aos servizos sanitarios para toda a cidadanía.

Desde o sindicato insistimos que a posibilidade do paso de todo o funcionariado ao sistema público non pode ser realizado con improvisación e sen garantir os dereitos do persoal funcionario, nin este pode provocar maiores tensións das que actualmente sofre o sistema público. Debe existir un plan transitorio para estudar esa posibilidade e cun incremento de fondos públicos con carácter finalista para o SERGAS e as outras entidades públicas autonómicas que garanta que se destine unha maior dotación de profesionais sanitarios e de medios que reforcen unha sanidade pública.