RESPOSTAS DA DIRECCIÓN XERAL A PREGUNTAS SINDICAIS SOBRE O PROCEDEMENTO DE REORDENACIÓN

No día de hoxe celebrouse un grupo de traballo co obxectivo de facer preguntas concretas que nos xorden ás organizacións sindicais sobre o proceso de reordenación na Fase III. Nuns días mandaránnos as contestacións por escrito, pero imos adiantando o que se comentou na reunión:

• PERSOAL DO SERVIZO DE APOIO

A preguntas da CIG,  a DX explicou que como algunhas prazas van ir para o SCX e outras para a SCTI, este persoal ou vai todo para o Servizo Común Xeral ou para a reordenación de efectivos, onde se terá en conta a antigüidade no centro de destino, o SC Apoio. Non se van confirmar no posto no que actualmente están.

• PERSOAL XULGADOS DE INSTRUCIÓN CON VSM

A preguntas da CIG, a DX di que quere confirmar a este persoal nas prazas que teñen código VSM, non nas que teñen código GA, pero é materia de negociación e non está pechada a decisión.

• PERSOAL XULGADOS DE GARDA

Tampouco está decidido definitivamente se o persoal que fai gardas se vai confirmar directamente no código GA dentro da área penal

• REORDENACIÓN

O persoal que faga máis dunha función (tramitar, executar, rexistrar…) vai a reordenación; o que só faga unha, segundo certificado do letrado ou letrada actual, confirmarase no SCTI ou SCEX

A confirmación automática darase só cando o número de persoas destinadas na actualidade sexa menor ou igual  ao que se propón

• TEMPO EN COMISIÓN DE SERVIZOS OU SUBSTITUCIÓN

Non se terá en conta máis que o tempo onde se teña o posto como titular e computarase dende a toma de posesión ( a este respeto a CIG solicitou que fose dende a resolución de nomeamento, porque senón produciríanse situacións discriminatorias)

• PERSOAL DO DECANATO

Con carácter xeral, o persoal do Decanato confirmarase no SCX

• ÁREAS QUE INCLÚAN MÁIS DUNHA XURISDICIÓN

Neste caso, a antigüidade que van ter en conta é no centro de destino (xurisdición e localidade) na que estás agora, é dicir, se estiveches en máis dunha das que inclúe a área só che computa a xurisdición actual.

• OURENSE

Vaise dotar dunha procentaxe maior o SC Execución que noutras vilas, polo que vai ser piloto para medir o dimensionamento destes servizos no país