Webinario O persoal funcionario interino: entre a xurisprudencia europea e a xurisprudencia dos tribunais españois

Pubicouse hoxe no DOG a convocatoria do webinario O persoal funcionario interino: entre a xurisprudencia europea e a xurisprudencia dos tribunais españois.

Neste webinario analizarase o réxime xurídico do persoal funcionario interino a partir, por unha banda, da xurisprudencia do Tribunal de Xustiza e, por outra, da súa recepción polos tribunais españois. O obxecto de estudo será dobre: primeiro, a prohibición de discriminación entre persoal funcionario de carreira e persoal funcionario interino, especificando os elementos do réxime xurídico dese persoal que foron recoñecidos a este pola xurisprudencia, pero tamén polo lexislador e a Administración; e, segundo, as medidas preventivas e reactivas ante o abuso das relacións funcionariais interinas, prestando particular atención á visión dos tribunais, tanto sobre os procesos de estabilización como da reivindicación da conversión da relación interna en fixa.

As persoas destinatarias: 

Esta actividade está dirixida ao persoal empregado público, en situación de servizo activo ou asimilada, da Administración autonómica galega, das súas entidades públicas instrumentais e da Administración institucional; da Administración local, da Administración de xustiza e das universidades do Sistema universitario de Galicia.

Desenvolvemento da actividade:

Data: xoves 31 de outubro de 2024.

Modo de impartición: telepresenza.

Horario: das 12.30 ás 14.30 horas.

Duración: 2 horas lectivas.

O funcionamento básico da plataforma de telepresenza require que cada alumno/a dispoña dos seguintes compoñentes:

1. Ordenador de sobremesa, portátil ou smartphone.

2. Conexión estable a internet.

3. Navegador web Google Chrome ou Mozilla Firefox nas últimas versións.

4. Altofalantes (se o monitor ou equipo non dispón deles).

Na web da EGAP está dispoñible un manual de axuda coa información necesaria para conectarse e utilizar a plataforma de telepresenza da EGAP. Pode accederse ao devandito manual desde o seguinte enderezo:

https://egap.xunta.gal/Documentos/recursos/[1646047015]MANUAL_TELEPRESENZA_PARA_USUARIOS.pdf

Inscrición

As solicitudes de participación nesta actividade formativa só poderán realizarse mediante o formulario de matrícula telemática dispoñible no enderezo <https://egap.xunta.gal/matricula>. As solicitudes entenderanse presentadas unha vez que se complete correctamente o proceso de matriculación.

O prazo para a inscrición permanecerá aberto desde as 9.00 horas do primeiro día hábil seguinte á publicación desta resolución no Diario Oficial de Galicia ata as 23.59 horas do día 29 de outubro de 2024

Consulta aquí a resolución completa no DOG https://www.xunta.gal/dog/Publicados/2024/20241017/AnuncioO150-091024-0001_gl.html